فيروز .. وإنت شو ؟؟

ليش بحب إسمع فيروز ؟

كتير بسأل حالي هيك سؤال وكل مرة بسأل فيها بكتشف جواب جديد

وإحساس جديد .. بالتالي معاني جديدة .

_ يمكن لأن وقت الي بسمعا بحس إني انتقلت لعوالم أخرى بعيدة عن

إحساسنا القاصر  ..

بحس بدفى عميق بالوقت الي بيتبخر فيه الهوا الي عم نتنفسوا ،

وترتعش فيه شفايفنا لتساير مزاجية الطبيعة .

_ يمكن لأني بحس فيها متل العملة القديمة الي من الصعب إنّا تتقلد .

  كتير من البشر بتعمل ترابط بين فيروز وبين ساعات الصبحية ، يمكن

  لأنن تعودو عهيك ؛ أنا ما عندي مشكلة بالوقت لذلك فيني إسمعا بأي

  وقت وإتذوق عذوبة جماليتا بنفس الإحساس وذات الشغف .

 

_ فيروز بتعني إحساس عميق ؛ وسهل ؛ وبسيط لدرجة إنك ما بتلاقي

    السبب الي يخليك ما تجرب هادا الإحساس …

 

_ فيروز بتنقلني لعالم مختلف ، عالم نقي ما فيه حدا إلا أنا وفيروز

   وسكوت الآخر . . .

                                               

                                                                                   أنا بحب إسمعا .. إنت شو ؟