مزاد علني

بعد بسم الله منفتتح المزاد :

شهادة حقوق حديثة الولادة   (  موديل 2010   )   يعني بعدا بشحما  😉

صادرة  عن جامعة دمشق بمرتبة ( جيد )

مع  جميع  أختامها وملصقاتها وطوابعها …

بالإضافة إلى خمس صور مصدقة أصولا ً + كشف علامات

+ بيان بالحياة الجامعية + وثيقة تبرع بالدم +

وثيقة تدريب جامعي عدد 2 تمنحانك إعفاء لمدة  شهر من الخدمة

الإلزامية .

تُمنح هاتين الوثيقتين كهدية مجانية للمبتلى  ..

*   *   * 

شروط المزاد :

     1 _  الحد الأدنى للمقابل : منصب موظف من الدرجة الرفيعة

            مع جميع المعارف و المقومات اللازمة لبقائه في منصبه

           أطول مدة ممكنة للدرجة التي معها يمكن توفير حياة رغيدة للأولاد

           وتأمين مستقبل أبناءهم  (( أحفادي ))

2 _    الحد الأعلى للمقابل :

            لا حدود أو قيود على هذا الحد .

3 _   هذا الإعلان غير خاضع لشروط المبادلة

           أو المقايضة   😉

 

مين بيفتح المزاد ؟؟

سمعونا كلمة طيبة  😀

Advertisements
هذا المنشور نشر في أبيض أسود رمادي. حفظ الرابط الثابت.

17 Responses to مزاد علني

  1. طريف كتب:

    طول بالك أبو شريك … لحقان على الشغل 🙂
    دخيلك وعلى شو مستعجل يعني 🙂
    بصراحة العرض المغري ..
    خيو والله ما بعرف شو بدي قلك، عندي واسطة بالمصفاة تبع حمص … بتشتغل هنيك ….

    طبعا مزحة لأنو لو عندي واسطة بالمصفاة ما كنت هلق قاعد عم ادرس بالجامعة … هي هي

    سلام

    • حمزة كتب:

      أخي طريف
      الصراحة هي إنو المشكلة مو بعدم الشغل
      المشكلة هيي بالشغل نفسو ….

      تحية لك ولمرورك الفاضل

  2. ناسداك كتب:

    بدي صف جنبك ضارب عليك

    قرب يا حباب قرب يا معلم ، شهادة اقتصاد تازة وبكل طوابعها وبتقدير جيد عالمزاد .. يالله معلم شو قلت ..

    بلدية حمزة بلدية … لحقني لنبسط تحت الجسر

    قرب يا كويس .. شهادة اقتصاد معها حزمة كتب مجانية .. افتح المزاد

    • حمزة كتب:

      مابظن عاد بنلاقي زاوية تحت الجسر ..
      كتير شباب سبقونا لهنيك 😀

      أسعدني مرورك الكريم

  3. tabosho كتب:

    علي ببسطة كتب خاصة بالمحاماه

    على اونة على دو على تريه
    اذا ماحدا زاد خبرني انا شرا وصاحب مشروع بسطة كتب

    صباح الخير صديقي مروروك عطر مدونتي

    • حمزة كتب:

      شو رأيك تنزلني شريك بمشروعك بنسبة 51 % 😉

      مرورك الأجمل ..

      كل الخير لك وفائق المودة

  4. وليد كتب:

    حمزة أفندي :
    بعد التحية – منصب موظف ( رفيع )غالباً تفصيل لفئة محددة جداً.. مافي رفيع و جاهز …. المنصب الوظيفي في حال توفره يكون ( XL ) أو ( XXL ) أو ( XXXXXXL ) و بكل تفاؤل ….
    تحية عسلية

    • حمزة كتب:

      خلينا نترزق وليد بيك 😉
      لا تسكرها بوجوه الغلابة أمثالنا ..

      أنقى التحيات وأعتق الأمنيات

  5. دعدوشة كتب:

    لو بنت ياحمزة كنت قلتلك علقها فوق الفرن
    واطبخ كوسا محشي وبتطلع غير شكل بس المشكلة مانك بنت

  6. هه..كأنك بالمكان الغلط ..وكأنه صاير فيك متل اللي عم بيبيع مي بحارة السقايين ..هه

  7. مزاد مغري حمزه ..بانتظر باشوف السعر يوقف على كم وبعدين بادفع السعر الاعلى .
    لكن ماادري تنفع عندنا ولا لا …
    بالتوفيق حمزه والله يرزقك وظيفه تلاقي نفسك فيها
    اتمنى لك التوفيق اخي

    • حمزة كتب:

      لا لا هيي ماتنفع عندكم لذلك نصيحة مني
      لا تفكري بالموضوع حتى 🙂

      تسلمي بوح وأنا بدوري كمان بتمنالك التوفيق والسعادة الأبدية

  8. لولة كتب:

    ممممممممم

    هادا آخر الزمان .. والله وشفنا الشهادات عمتنباع :d

    مابظن في ثمن بهالعالم بيسوى تعب لحظة وحدة وأنت عمتدرس 🙂

    موفق يارب .. وانشالله بتتيسّر أمورك وبتشتري شهادات مو تبيع 🙂

  9. بس ناقص ما تحط شهادة تطعيم 🙂

    الله ييسر لك اللي يرضا عنك فيه

    • حمزة كتب:

      قولك إذا حطيت شهادة التطعيم رح تعمل نتيجة طيبة
      ويرتفع السعر 😀

      من قلبي أدعو لك بالمثل بل وأكثر ..

      أسعدك ربي وأرضاك ِ حتى ترضين

  10. ابو عماد كتب:

    طول بالكـ وأرحم حالكـ شو جرالكـ ؟

    أنا قعدت سنتين بعد الكلية , كنت كاتجنن !!!!! لين ما ربك فتحها واتعينت والحمد لله

    الشيء الي كنت نادم عليه خلال هالسنتين , أني قضيتها في هم وغم وضيقة صدر , المفروض ابدا لي مشروع تجاري واسلك فيه دامي عاطل باطل , لأن اكتشفت ان هالوظيفة الي مقطع نفسي عليها , ماحققتي طموحاتي 🙂

    وعلشان ماتشيل الهم راح اسليك بأبيات ماني عارف الي كاتبها لكنها ممتازة للمهموم .

    دع المقادير تجري في أعنتها=== ولا تبيتن إلا خالي البالي
    ما بين غمضة عين وإنتباهتها === يغير الله من حالٍ إلي حالي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s